Íslandsbanki áætlar að hagvöxtur í ár verði 2,6% en spáir sðan 2,4% hagvexti á næsta ári og síðan aftur 2,6% hagvexti árið 2020. Havöxtur í fyrra var 3,6% og 7,5% árið þar á undan. Vaxtarhraðinn verður í námunda við hagvaxtargetu hagkerfisins og jafnt og þétt mun draga úr framleiðsluspennu.

Bankinn spáir nú heldur meiri hagvexti heldur en hann gerði í síðustu spá. Ástæðan er sú að horfur eru á að umsvif hins opinbera muni aukast á spátímanum meira en gert var ráð fyrir.

Ljóst er að hagkerfið sæki í átt að betra jafnvægi á ýmsa mælikvarða og verði þróunin í takt við spá bankans má segja að um allmjúka lendingu verði að ræða eftir býsna hátt og langt flug, kemur fram í spánni.

Þjóðhagsspá Íslandsbanka má lesa í heild sinni hér .