*

miðvikudagur, 19. september 2018
Innlent 24. mars 2016 12:48

SS verktaki gjaldþrota

Verktakafélag Sveinbjörns Sigurðssonar lýsti sig gjaldþrota síðasta föstudag eftir sjötíu ára rekstur.

Ritstjórn
Haraldur Guðjónsson

Verktakafélagið Sveinbjörn Sigurðsson hf., betur þekkt sem SS verktaki, hefur nú verið lýst gjaldþrota samkvæmt heimildum Viðskiptablaðsins. Fyrirtækið hefur verið starfrækt í meira en sjötíu ár.

Sveinbjörn Sigurðsson byggingameistari stofnaði fyrirtækið árið 1942, en SS verktaki hefur meðal annars komið að byggingu Dvalarheimilis aldraðra sjómanna við Hrafnistu, Fjölskyldu- og húsdýragarðsins í Laugardal auk Borgarleikhússins.

Sveinbjörn, stofnandi félagsins, dró sig í hlé árið 1990 en þrír synir hans tóku þá við rekstri SS verktaka. Mikill rekstrarvandi hefur verið hjá félaginu um nokkurt skeið, sem leiddi svo til gjaldþrotsins.