Staða aðstoðarseðlabankastjóra verður auglýst í lok mánaðarins að því er Fréttablaðið greinir frá. Samkvæmt ákvæðum laga um Seðlabankann getur Arnór Sighvatsson aðstoðarseðlabankastjóri ekki sótt um starfið í þriðja sinn.
Arnór hefur verið skipaður í starfið tvisvar síðan 1. júlí 2009, en það er forsætisráðherra sem skipar í starfið að undangenginni umsögn þriggja manna hæfnisnefndar.
Sama regla gildir um Má Guðmundsson seðlabankastjóra en seinna skipunartímabil hans rennur út á næsta ári.
