Berkshire Hathaway, fjárfestingarfélag Warren Buffett, er við það að ganga frá kaupum á fyrirtækinu Precision Castparts fyrir 30 milljarða dali. Financial Times greinir frá þessu.
Fjárhæðin jafngildir um fjögur þúsund milljörðum íslenskra króna. Samningurinn yrði sá stærsti sem Warren Buffet hefur gert á fjárfestingarferli sínum gangi kaupin í gegn.
Precision Castparts framleiðir búnað fyrir flug-, olíu- og gasiðnað og er markaðsvirði þess um 26,7 milljarðar dala. Berkshire Hathaway á þegar um 3% eignarhlut í félaginu.