*

þriðjudagur, 25. september 2018
Erlent 28. júlí 2017 16:48

Starbucks lækkar í verði

Hlutabréfaverð Starbucks hefur lækkað töluvert það sem af er degi eftir að fyrirtækið lækkaði afkomuspá sína fyrir yfirstandandi ársfjórðung.

Ritstjórn
epa

Gengi hlutabréfa bandarísku kaffihúsakeðjunnar Starbucks hefur lækkað um 8,3% það sem af er degi, eftir að fyrirtækið birti uppgjör fyrir annan ársfjórðung þessa árs. Fyrirtækið hagnaðist um 691 milljón dollara á ársfjórðungnum sem var í takt við væntingar markaðsaðila samkvæmt frétt Reuters

Á sama tíma lækkaði fyrirtækið afkomuspá sína fyrir yfirstandandi ársfjórðung vegna hægari vaxtar í Bandaríkjunum. Er lækkunin talin ástæða þess að bréf félagsins hafa lækkað í verði

Fyrirtækið greindi einnig frá því að það myndi kaupa hinn 50% hlutinn sem fyrirtækið átti ekki fyrir í 1.300 verslunum sínum í Kína. Nemur kaupverðið 1,3 milljörðum dollara og er þetta stærsta yfirtaka í sögu Starbucks.