*

mánudagur, 24. september 2018
Erlent 28. febrúar 2017 12:14

Starbucks hefja innreið á ítalska markaðinn

Forstjóri Starbucks viðurkennir að ítalski markaðurinn sé ekki sá stærsti, en að Ítalir hafi fullkomnað kaffi löngu áður en Starbucks kom til sögunnar.

Ritstjórn
Howard Schultz, forstjóri Starbucks.
european pressphoto agency

Starbucks opnar nú í Ítalíu í fyrsta sinn og opnar jafnframt kaffibrennslu í Mílan á næsta ári. Fyrirtækið stefnir nú á innreið á ítalskan markað, fæðingastað espressó kaffisins. Þetta kemur fram í frétt Bloomberg.

Kaffirisinn hyggst opna 2.370 fermetra verslun í Mílan seint á næsta ári og hefur síðan innreið sína á markaðinn. Þar verður meðal hægt að fá vörur ítalska bakarans Rocco Princi sem og áfengi.

Forstjóri Starbucks, Howard Schultz, sagði í viðtali við Bloomberg að ákvörðunin um að færa sig inn á ítalska markaðinn hafi verið stefnumarkandi. Markaðurinn væri ekki sá stærsti í heimi, en hefði sögulega vigt. „Ítalir fullkomnuðu kaffið langt á undan því að Starbucks kom til sögunnar,“ segir Schultz.

Stikkorð: Ítalía Starbucks innreið kaffimenning