Í yfirlýsingu starfsfólks Ríkisútvarpsins eru stjórnmálamenn beðnir um að fara með staðreyndir og gera umræðuna um rekstur fyrirtækisins faglega á ný.
RÚV hefur hagrætt rekstri sínum mikið á undanförnum árum, og bréfsending starfsmanna fullyrðir að fækkað hafi verið um rúmlega 100 manns síðan árið 2007.
„Á hverju hausti þegar vinna við fjárlagafrumvarp stendur yfir hefst sama atburðarrásin þar sem þyrlað er upp moldviðri í kringum starfsemi RÚV ohf.,“ segir í yfirlýsingu starfsmannanna.
„Þeir sem vilja hag fyrirtækisins sem minnstan tala hátt og finna starfseminni og starfi okkar flest til foráttu í þeim augljósa tilgangi að stuðla að því að Alþingi skeri enn eina ferðina niður fjárveitingar til RÚV.“
Starfsfólkið sakar andstæðinga RÚV um að hagræða staðreyndum og fara með villandi mál um rekstur og fjármál útvarpsins í almannaeigu.
