*

þriðjudagur, 22. maí 2018
Innlent 25. apríl 2018 18:08

Stefnir kominn yfir 5% í VÍS

Félagið keypti hluti fyrir tæpar 106 milljónir í tryggingafélaginu og á nú 5,13% hlut.

Ritstjórn
Flóki Halldórsson, framkvæmdastjóri Stefnis

Stefnir, eignarstýringarfélag í eigu Arion banka, er komið yfir 5% eignarhlutdeildarmarkið  í VÍS að því er kemur fram í tilkynningu til Kauphallarinnar. 

Sjóðir í stýringu Stefnis bættu við sig 7,5 milljónum hluta en miðað við markaðsgengi VÍS má áætla að hlutirnir hafi verið keyptir á 105,8 milljónir króna. 

Sjóðir í eigu stefnis eiga því 5,13% í félaginu og virði hlutarins því rétt tæplega 1,6 milljarðar króna. Heildarvirði VÍS er miðað við lokagengi félagsins í dag rúmlega 31 milljarður.

Aðrir stórir hluthafar í VÍS eru Lífeyrissjóður verslunarmanna, Lansdowne partners, Frjálsi lífeyrissjóðurinn, Arion banki og Lífeyrissjóður starfsmanna ríkisins.