Bakarameistarinn hagnaðist um 52 milljónir króna í fyrra. Það er ögn minni hagnaður en árið á undan. Handbært fé frá rekstri nam 51 milljón króna og minnkaði um 23% milli ára. Eignir Bakarameistarans voru 340 milljónir króna í lok síðasta árs og minnkuðu um 7 milljónir milli ára. Eiginfjárhlutfallið var 41% um síðustu áramót. Bakarameistarinn greiddi eiganda sínum, Sigþóri Sigurjónssyni, 62,5 milljónir króna í arð í fyrra.