Styrmir Elí Ingólfsson, markaðsstjóri og einn af stofnendum ferðaskrifstofunnar Tripical Travel lét af störfum hjá fyrirtækinu um síðustu mánaðarmót. Styrmir sem setið hefur í stjórn fyrirtækisins mun einnig láta af stjórnarstörfum og hefur selt hlut sinn í fyrirtækinu að því er segir í tilkynningu.

Í tilkynningunni segir Styrmir sem unnið hefur hjá Tripcal Travel frá stofnun fyrirtækisins árið 2015, að hann hafi viljað breyta til og einbeita sér að háskólanámi.

Tripical Travel hefur sérhæft sig í hópferðum, þá sértaklega fyrir fyrirtæki og framhaldsskóla. Þá hefur ferðaskrifstofan séð um ýmsar sérferðir líkt og á HM í fótbolta síðastliðið sumar.