Sveinn Waage hefur verið ráðinn til ferðaþjónustufyrirtækisins Gray Line til að leiða stafræna markaðssókn fyrirtækisins.
Sveinn hefur mikla reynslu af stefnumótun og stjórnun markaðssetningar. Nú síðast sinnti hann þeim málum fyrir Íslandstofu og þar áður fyrir Meniga, Ölgerðina og forsetaframboð Guðna Th. Jóhannessonar svo dæmi séu nefnd. Þá hefur Sveinn verið ráðgjafi í þessum efnum í gegnum fyrirtæki sitt Nýja Sjáland athafnir ehf.
Sveinn er jafnframt kennari í Bjórskóla Ölgerðarinnar og forfallinn Vestmannaeyingur.
