Sölusíða fyrir bitcoin rafmyntina notar myndir af Bjarna Ármannssyni, fyrrverandi bankastjóra Glitnis, til að villa á sér heimildir. Kveðst seljandinn vera fjárfestir með rafmyntir, heita Dr. Heinrich Vollmer og notar andlitsmyndir af Bjarna Ármannssyni í auglýsingum sínum.

Viðkomandi hefur skrifað nokkra pistla um bitcoin undir fölsku flaggi til að reyna að auka trúverðugleika sinn.

Áður hélt seljandinn uppi Twitter aðgangi undir nafninu BTCMarketMaker en notendur miðilsins hafa undanfarna daga lýst óheiðarlegum viðskiptaháttum hans. Hefur aðgangnum því verið lokað.

Viðkomandi hefur ekki brugðist við beiðnum Viðskiptablaðsins sem innti eftir nánari upplýsingum um starfsemina.

Aðgangi BTCmarketmaker hefur verið lokað á Twitter.
Aðgangi BTCmarketmaker hefur verið lokað á Twitter.
© Skjáskot (Skjáskot)

Aðganginum BTCmarketmaker hefur verið lokað.