*

sunnudagur, 23. september 2018
Erlent 25. janúar 2017 17:30

Sýna Lúxemborg áhuga

Blackstone Group og Carlyle Group íhuga að flytja sig yfir til Lúxemborgar.

Ritstjórn
Aðrir ljósmyndarar

Bandarísku framtakssjóðirnir Blackstone Group LP og Carlyle Group LP íhuga nú að færa evrópsku höfuðstöðvar sínar frá London til Lúxemborgar. Þetta kemur fram á fréttaveitu Bloomberg, en fjármálafyrirtæki í Lundunum hafa miklar áhyggjur af útgöngu Bretlands úr Evrópusambandinu.

Fyrirtækin eru nú þegar með starfsemi í Lúxemborg og því munu flutningarnir líklegast ekki einkennast af miklum fólksflutningum. Í raun er frekar verið að ræða um flutninga á pappír, til þess að tryggja að hægt verði að stunda viðskipti innan Evrópu án óþarfa hindrana.

Pierre Gramegna, fjármálaráðherra landsins, sagði í nýlegu viðtali að tryggingar- , eignastýringar- og fjármálatæknifyrirtæki væru að sýna landinu mikinn áhuga.

Smáþjóðin hefur um langa tíð lagt mikið upp úr því að skapa traust og rekstrarvænt umhverfi fyrir fyrirtæki í fjármálageiranum. Nú þegar bankaleyndin er horfin, hefur landið þó reynt að skapa sér aukna sérstöðu á sviði tækni og vísinda.

Stikkorð: London Brexit Luxemborg