Svavar Pálsson, sýslumaðurinn á Húsavík, féllst á 40 milljóna tryggingu sem krafist var vegna lögbanns gegn gjaldtöku af ferðamönnum við Leirhnjúk og Námaskarð í dag. Þessu greinir mbl.is frá.
Þetta þýðir að lögbannið sem krafist var af félagsmönnum í Landeigendafélagi Reykjahlíðar fyrr í sumar tekur strax gildi.
Félagsmenn hugðust upphaflega innheimta gjald af ferðamönnum við Leirhnjúk, Námaskarð og Dettifoss. Hins vegar var fallið var frá gjaldtökunni við Dettifoss eftir að samningur náðist við Vatnajökulsþjóðgarð um uppbyggingu við fossinn. Gjaldtaka hófst þó við hveri austan Námafjalls og við Leirhnjúk 18. júní.
Sautján manns eiga hlut í Landeigendafélagi Reykjahlíðar, af þeim fóru sjö fram á lögbannið.
