*

sunnudagur, 21. apríl 2019
Innlent 23. september 2018 13:03

Taprekstur hjá Pizzunni

Rekstrartekjur Pizzan ehf., sem rekur pítsastaðinn Pizzuna, námu 319 milljónum króna árið 2017, en rekstrargjöld námu 358 milljónum.

Ritstjórn

Rekstrartekjur Pizzan ehf., sem rekur pítsastaðinn Pizzuna, námu 319 milljónum króna árið 2017, en rekstrargjöld námu 358 milljónum. Rekstrarafkoma félagsins var því neikvæð um 39 milljónir. Afskriftir námu tæpum 10 milljónum og hrein vaxtagjöld rúmum 6 milljónum, endanlegt tap var því 55 milljónir.

Eignir félagsins um síðustu áramót námu 105 milljónum króna og drógust saman um 10% frá fyrra ári, og skuldirnar námu 159 milljónum og hækkuðu um 38% milli ára. Eigið fé var því neikvætt um 53 milljónir króna, samanborið við jákvætt eigið fé upp á 1,8 milljónir króna áramótin áður. Veltufjármunir námu 17,6 milljónum og drógust saman um tæpan þriðjung, en skammtímaskuldir námu 42,4 milljónum, sem er 37% samdráttur. Veltufjárhlutfall var því 0,41 og hækkaði lítillega, úr 0,38 árið áður.

Flatbökukeðjan heldur úti fjórum sölustöðum, tveimur í Hafnarfirði, einum í Kópavogi og einum í Reykjavík, en sumarið 2016 keypti rekstrarfélag Domino's staði félagsins í Ánanaustum og Gnoðarvogi.

Stikkorð: Pizzan
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim