Tekjur Eimskipa námu 25,7 milljörðum króna á þriðja ársfjórðungi, og jukust um 4,8% frá sama tímabili í fyrra. Rekstrarhagnaður félagsins nam tæpum 2,5 milljörðum og dróst saman um 8,6% milli ára. Endanlegur hagnaður félagsins nam 891 milljón króna. Þetta kemur fram í tilkynnningu frá félaginu, auk umfjöllunar fréttablaðsins .
Horfur eru sagðar góðar í útflutningi frá Íslandi og innlendri starfsemi; flutningsvelta yfir atlantshafið hafi aukist á fjórðungnum.
Flutningaleið til Noregs hafi hinsvegar ekki staðið undir væntingum, þar sem bæði velta og verð hafi dregist saman, auk þess sem bilanir skipa hafi sett strik í reikninginn.
Fjárfestingar í aukinni flutningsgetu vikulegra siglinga eru sagðar hafa skilað hægari tekjuvexti en gert hafi verið ráð fyrir á fyrri árshelmingi, en hafi þó skilað nokkrum árangri.
