*

sunnudagur, 21. apríl 2019
Innlent 19. mars 2019 17:42

Tekjur útvarpsstjóra hækka um 13%

Heildargreiðslur til Magnúsar Geirs Þórðarsonar námu tæplega 26 milljónum króna á síðasta ári.

Ritstjórn
Magnús Geir Þórðarson útvarpsstjóri.
Birgir Ísl. Gunnarsson

Heildarlaun og þóknanir Magnúsar Geirs Þórðarsonar útvarpsstjóra námu 25,9 milljónum króna fyrra, sem gera tæplega 2,2 milljónir króna á mánuði. Á árinu 2017 námu þessar greiðslur 22,9 milljónum eða 1,9 milljón króna á mánuði. Heildarlaun og þóknanir til útvarpsstjóra hækka því um 13% á milli ára. Þetta kemur fram í ársreikningi RÚV, sem birtur var síðdegis.

Í heildina hækkuðu laun og launatengjd gjöld hjá RÚV um 9% á milli ára. Í fyrra námu þau ríflega 2,8 milljörðum króna samanborið við tæplega 2,6 milljarða árið 2017. Í lok árs 2017 voru 260 stöðugildi hjá RÚV en um síðustu áramótum voru þau 270. Í skýringu í 5 í ársreikningnum segir að stöðugildum hafi meðal annars fjölgað „vegna fastráðninga starfsmanna sem áður höfðu starfað sem verktakar, í samræmi við stjórnarákvörðun og vegna aukinnar áherslu á innlenda dagskrárgerð".

Stjórnarlaun námu 15,7 millljónum króna á síðasta ári en 14,3 milljónum árið 2017. Nánar má lesa um niðurstöður ársreiknings RÚV hér.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim