Sigmundur Davíð Gunnlaugsson, formaður Framsóknarflokksins, telur auknar líkur á því að ríkið eignist Arion banka og fái þannig alla þrjá bankana í sínar hendur. Þetta kom fram í viðtali hans við Sprengisand á Bylgjunni.
Sigmundur sagðist vonast eftir því að ná aftur kjöri sem formaður flokksins. Þá sagðist hann ekki hafa fundið fyrir eins miklum stuðningi og velvild frá almenningi eins og síðustu misseri, sagði hann fjöldi fólks hafi komið að máli við sig og lýst yfir stuðningi við sig.
Spurður hvort það væri flokknum til hagsbóta að annar maður tæki við flokksforystunni benti hann á að hann hafi náð miklum árangri með stór mál sem hann hafi lagt áherslu á. Ef menn vilja láta kosningabaráttuna snúast um persónulegar árásir á hann og fjölskylduna þá geri þeir það.