*

fimmtudagur, 19. október 2017
Innlent 9. janúar 2014 19:12

Jafngilti pólitísku sjálfsmorði að stoppa partýíð

Guðrún Johnsen reyndi árangurslaust að vekja athygli á því árið 2005 hvert stefndi í efnahagslífinu.

Jón Aðalsteinn Bergsvein
Haraldur Guðjónsson

Það hefði jafngilt pólitísku sjálfsmorði fyrir stjórnmálamann að mæla með því vorið 2006 að gripið yrði til aðgerða til að minnka bankakerfið, draga úr útlánaþenslu bankanna og hægja á hagkerfinu. Tækifærið til að gera það fyrir hruns gafst á vordögum 2006 eftir útkomu skýrslu Danske Bank, Iceland: Geyser Crisis, sem fjallaði um bankana og áhættuna í efnahagslífinu. Það var ekki gert. Í raun var engin stemning fyrir þeim sem vildu að stigið yrði á bremsuna, að því er fram kemur í bók Guðrúnar Johnsen, lektors í fjárálum við Viðskiptafræðideild Háskóla Íslands.

Enginn vildi hlusta á varnaðarorð

Guðrún hefur skrifað bók sem heitir Bringing Down the Banking Systems: Lessons From Iceland. Bókin fjallar um hrunið, aðdraganda þess og afleiðingar. Guðrún vann fyrir rannsóknarnefnd Alþingis og byggir bók sína að stærstum hluta á því sem fram kom í skýrslunni. Inn á milli heyrist rödd Guðrúnar, sem skrifar um sýn sína á hrunið og hvernig aðdragandi þess snerti hana. 

Í bókinni lýsir Guðrún því m.a. þegar hún vann hjá Alþjóðagjaldeyrissjóðnum árið 2004 . Þar vann hún m.a. mat á áhættugreiningu samkvæmt ákveðnu módeli. Þar var metið hvað lönd gætu hugsanlega lent í hremmingum. Ísland var eitt þessara landa ásamt Líbanon. Árið 2005 reyndi hún ítrekað að kynna niðurstöðurnar og vara við þróuninni.

Guðrún lýsir því í bókinni hvernig hún bankaði upp á hjá nokkrum aðilum. Þar á meðal hjá Seðlabankanum, í Stjórnarráðinu og hjá Fjármálaeftirlitinu. „Menn höfðu ekki einu sinni áhuga á fyrirlestri í klukkustund,“ segir Guðrún.

Viðskiptablaðið ræddi við Guðrúnu í tilefni útkomu bókarinnar í dag. Áskrifendur geta nálgast blaðið hér að ofan undir liðnum tölublöð