*

fimmtudagur, 18. apríl 2019
Innlent 18. mars 2018 15:15

Þórdís Kolbrún nýr varaformaður

Þórdís Kolbrún Reykfjörð Gylfadóttir er nýr varaformaður Sjálfstæðisflokksins með 95,7% atkvæða. Þá var Bjarni Benediktsson endurkjörinn formaður og Áslaug Arna kjörin ritari.

Ritstjórn
Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra.
Haraldur Guðjónsson

Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, var kjörin varaformaður Sjálfstæðisflokksins á landsfundi flokksins í Laugardalshöll með 95,7% gildra atkvæða. Þórdís Kolbrún var ein í framboði og fékk 720 atkvæði af 753 gildum atkvæðum, en greidd atkvæði voru 772.

Þórdís Kolbrún hefur verið alþingismaður fyrir Sjálfstæðisflokkinn í Norðvesturkjördæmi síðan árið 2016.

Áslaug Arna Sigurbjörnsdóttir, þingmaður í Reykjavík norður og formaður utanríkismálanefndar, hefur gegnt embætti varaformanns flokksins frá því í september 2017. Var það tímabundin ráðstöfun fram að landsfundi vegna andláts Ólafar Nordal, varaformanns flokksins.

Bjarni Benediktsson, fjármálaráðherra, var endurkjörinn formaður Sjálfsæðisflokksins með 96,2% atkvæða. Bjarni var kjörinn með 710 atkvæðum, en aðrir fengu 28 atkvæði. 762 tóku þátt í kosningunni en gild atkvæði voru 738.

Áslaug Arna var kjörin ritari Sjálfstæðisflokksins með rúmlega 93% atkvæða. Fékk Áslaug 664 atkvæðu af 710 gildum atkvæðum, en greidd atkvæði voru 752. Áslaug hefur verið ritari flokksins síðan 2015.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim