Þórdís Lóa Þórhallsdóttir, sem tók við sem forstjóri Gray Line fyrir rétt rúmu ári, er hætt störfum. Þetta staðfestir hún í samtali við Viðskiptablaðið. Sigurdór Sigurðsson, annar stofnanda fyrirtækisins og einn af eigendum þess hefur tekið við starfinu

Eins og Viðskiptablaðið hefur fjallað um hefur félagið , sem er auk Sigurdórs í eigu Þóris Garðarssonar og Akurs fjárfestinga samþykkt að sameinast Iceland Travel, sem er að fullu í eigu Icelandair Group. Segir Þórdís Lóa að um sé að ræða eðlilegan hluta af því ferli eftir að sameiningin hafi komið upp og gerð í fullri sátt hennar og stjórnar.