Samkvæmt svari við fyrirspurn borgarfulltrúa Framsóknar og flugvallarvina hefur Reykjavíkurborg ráðstafað rúmum þremur milljörðum króna, nánar tiltekið 3.081 milljónum, í styrki á árunum 2015-2017.
Árið 2015 var 1.168 milljónum úthlutað, 1.133 milljónum árið 2016 og það sem af er ári 2017 hefur 779 milljónum verið úthlutað. Á sama tímabili hafa útgjöld borgarinnar vegna samstarfssamninga numið 26,8 milljörðum króna.
Langhæstu styrkirnir öll árin voru fjárfestingarstyrkir til Hörpu sem námu samtals, 1.287 milljónum króna en næsthæstir voru svo styrkir til Blindrafélagsins sem námu 53 milljónum króna 2015, 78 milljónum 2016 og 40 milljónum 2017.