Engin viðskipti áttu sér stað á mörkuðum Japans í nótt vegna frídags, en viðbrögð markaðarins á svæðinu beindust fyrst og fremst að kínverskum hagtölum.
Dregur úr vexti húsnæðismarkaðar
Í síðustu viku sýndu þær að hagvöxtur í landinu héldist um 6,7% en hins vegar virðist sem dragi úr vexti húsnæðismarkaðarins. Hækkaði húsnæðisverð um 0,7% milli mánaða í júní, en í maí hafði hækkunin numið 0,8% og apríl nam hún 1,0%.
Lækkaði verð China Vanke Co. stærsta fyrirtækisins í Kína sem byggir íbúðir, um 2,57% meðan fasteignafyrirtækið Poly Real Estate Group Co hækkaði í verði um 0,75%.
Þróun helstu vísitala á svæðinu var mismunandi:
- Kospi vísitalan í Suður Kóreu hækkaði um 0,19%
- Jafnframt hækkaði Hang Seng vísitalan í Hong Kong um 0,58%.
- Taiwan Weighted vísitalan hækkaði svo um 0,65%.
- Shanghai Composite vísitalan í Kína lækkaði um 0,35%.
- IDX Composite vísitalan í Indonesíu hækkaði um 0,34%.
- Ástralska S&P/ASX 200 vísitalan hækkaði jafnframt um 0,53%.