*

sunnudagur, 21. apríl 2019
Erlent 17. ágúst 2018 16:50

Trump vill slaka á uppgjörskröfum

Donald Trump talaði fyrir því í tísti í dag að afnema fjórðungsuppgjörsskyldu skráðra félaga, og beindi því til SEC að skoða málið.

Ritstjórn
Donald Trump, forseti bandaríkjanna.
epa

Donald Trump, Bandaríkjaforseti, talaði fyrir því í tísti fyrr í dag að skylda skráðra fyrirtækja til að birta fjórðungsuppgjör – uppgjör á 3 mánaða fresti, samtals 4 á ári með ársreikningi og hálfsársuppgjöri – yrði afnumin, og aðeins gerð krafa um hálfsársuppgjör, samtals 2 uppgjör á ári.

Þá beindi hann því til verðbréfaeftirlitsins (SEC) að skoða möguleikann á slíkri reglubreytingu. Kveikjuna að hugmyndinni segir Trump hafa verið samtal við „nokkra af fremstu leiðtogum heims úr viðskiptalífinu“, hvar hann hafi spurt þá hvað hægt væri að gera til að gera viðskiptalíf Bandaríkjanna „enn betra“.

Hann sagði breytinguna myndu „auka sveigjanleika og spara pening“. Í öðru tísti í framhaldinu bætti hann við að lykillinn að atvinnusköpun væri hagstætt viðskiptaumhverfi. Gagnrýnendur fjórðungsuppgjörskerfisins segja það íþyngjandi, og að það dragi athygli fyrirtækja frá langtímamarkmiðum þeirra.

Framkvæmdastjórn Evrópusambandsins afnam fjórðungsuppgjörsskyldu skráðra félaga árið 2013.

Stikkorð: Trump
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim