*

þriðjudagur, 11. desember 2018
Fólk 16. janúar 2018 15:00

Tvö ný hefja störf hjá Expectus

Guðrún Eydís Jónsdóttir og Garðar Ingi Reynisson hafa verið ráðin sem sérfræðingar til Expectus.

Ritstjórn
Guðrún Eydís Jónsdóttir og Garðar Ingi Reynisson hafa verið ráðin til Expectus.
Aðsend mynd

Ráðgjafarfyrirtækið Expectus hefur ráðið tvo nýja sérfræðinga til starfa. 

Guðrún Eydís Jónsdóttir hefur verið ráðin sem hugbúnaðarsérfræðingur hjá Expectus Software, dótturfélagi Expectus sem sér um þróun á hugbúnaðarlausnunum exMon og exTables. Guðrún Eydís er BSc í hugbúnaðarverkfræði frá Háskóla Íslands og MSc í Interaction Design and Technologies frá Chalmers University of Technology 2017. Guðrún Eydís er í sambúð með Ívari Daða Þorvaldssyni og eiga þau einn son, Baldur Kára.

Garðar Ingi Reynisson hefur verið ráðinn sem ráðgjafi og sérfræðingur í áætlanagerð og rekstrarhagkvæmni, m.a. í gegnum áætlanakerfið Kepion. Garðar er B.Sc í hátækniverkfræði frá Háskólanum í Reykjavík og M.Sc í rekstrarverkfræði frá sama skóla. 

Expectus er íslenskt ráðgjafarfyrirtæki sem sérhæfir sig í ráðgjöf á sviði stefnumótunar, rekstrar og upplýsingatækni. Expectus Software ehf., dótturfélag Expectus framleiðir exMon hugbúnaðinn.