Gengi hlutabréfa Marel hækkaði um 1,23% í rúmlega 142 milljóna króna viðskiptum í Kauphöllinni í dag. Þá hækkaði gengi bréfa Haga um 0,27% og Icelandair Group um 0,15%.
Aðeins gengi hlutabréfa fasteignafélagsins Regins lækkaði eða um 0,71%.
Úrvalsvísitalan hækkaði þriðja daginn í röð eða um 0,51% og endaði hún í rúmum 1.013 stigum. Hún fór undir þúsund stigin um síðustu mánaðamót en sneri aftur í vikunni með 1,5% hækkun frá því á föstudag í síðustu viku.
