Úrvalsvísitala Kauphallar Nasdaq Iceland hækkaði um 1,17% í viðskiptum dagsins og stendur hún nú í 1787,75 stigum eftir rúmlega 836 milljóna króna viðskipti.
Gengi bréfa Icelandair Group hækkaði um 2,49% í 242 milljóna viðskiptum og HB Granda um 1,41% í 48 milljóna viðskiptum.
Gengi bréfa TM lækkaði um 2,73% í 60 milljóna króna viðskiptum og Eikar fasteignafélags um 0,9% í 82 milljóna viðskiptum.
Mest velta var í viðskiptum með bréf Marel sem hækkuðu um 2,31% í 304 milljóna króna viðskiptum.
Vísitölur Gamma
Skuldabréfavísitala Gamma hækkaði um 0,6% í 2,6 milljarða viðskiptum. Þar hækkaði verðtryggði hluti vísitölunnar um 0,86% og á meðan sá óverðtryggði stóð í stað.
