*

fimmtudagur, 20. september 2018
Innlent 27. júlí 2017 15:39

Vara við svika tölvupóstum til korthafa

Valitor hefur orðið vart við tilraunir óprúttinna aðila til kortasvika þar sem korthafar eru beðnir um að opna link í tölvupósti og gefa upp allar kortaupplýsingar.

Ritstjórn
Aðsend mynd

Valitor hefur orðið vart við tilraunir óprúttinna aðila til kortasvika þar sem korthafar eru beðnir um að opna link í tölvupósti og gefa upp allar kortaupplýsingar auk Verified by Visa númers sem korthafar fá sent í SMS.  Valitor vill að þessu tilefni vara fólk eindregið við svona tölvupóstum því þetta er mjög þekkt aðferð til að blekkja fólk að því er segir í tilkynningu frá fyrirtækinu. 

Tölvupóstar sem um ræðir núna eru sendir út með vörumerkjum þekktra fyrirtækja, jafnt innlendum sem erlendum, og því fyllsta ástæða til að vera á varðbergi. Oft er verið að tilkynna í þessum póstum um að korthafar eigi von á endurgreiðslum eða um einhverskonar þjónusturöskun sem kallar á umsvifalausa aðgerð.

Af þessum sökum viljum við biðja korthafa að hafa eftirfarandi í huga:

  • Korthafar eiga ekki undir neinum kringumstæðum að gefa upp Verified by VISA öryggisnúmer sem sent er í GSM síma þegar boð um endurgreiðslu berast. Enda er ekki þörf á því númeri þegar gerð er endurgreiðsla heldur á þetta númer aðeins við þegar korthafar eru sjálfir að versla á netinu.
  • Korthafar eiga ekki undir neinum kringumstæðum að gefa upp þriggja stafa öryggisnúmer sem er aftan á kortunum þegar um endurgreiðslur er að ræða. Korthafar sem fá boð um inneign hjá söluaðila ættu í öllum tilfellum að hafa samband við viðkomandi aðila til þess að fá upplýsingar um inneign og passa að gefa engar upplýsingar upp fyrr en staðfesting liggur fyrir.
  • Varast pósta á lélegri íslensku. Erlend fyrirtæki senda venjulega allt á ensku.
  • Ekki opna hlekki í tölvupóstum sem þú kannast ekki við.
  • Korthafar sem gefa upp allar öryggisupplýsingar í tengslum við kortið til rangra aðila geta átt á hættu  að bera sjálfir hugsanlegt tjón.
Stikkorð: Valitor viðvörun kortasvindl