Indverska flugfélagið Jet Air hefur aflýst öllum millilandaflugferðum eftir að tíu af leiguvélum félagsins voru kyrrsetta í gær. Félagið hefur glímt við mikinn skuldavanda en talið er að skuldir félagsins séu um einn milljarður bandaríkjadala.

Jet Air er stærsta flugfélag Indlands í einkaeigu og hefur yfir 100 flugvélum að ráða. BBC greinir frá því að stjórnvöld á Indlandi hafi gripið í taumanna og aðstoði nú farþega félagsins eftir að flugferðum var aflýst. Jet Air flýgur á 600 áfangastaði innanlands og 380 áfangastaði alþjóðlega.

Flugfélagið var stofnað af Narseh Goyal fyrir 25 árum og fer hann og fjölskylda hans með 52% hlut í félaginu í dag. Hins vegar er búist við að hlutur Goyal verði þurrkaður út við endurskipulagningu skulda, en í síðasta mánuði tók hópur fjárfesta, sem ríkisbankinn SBI leiddi, yfir stjórn félagsins.