*

föstudagur, 26. apríl 2019
Innlent 17. nóvember 2005 11:20

Verðbólga minni á Íslandi en í helstu viðskiptalöndum

en hærri ef húsnæðisliður er meðtalinn

Ritstjórn

Ísland er í hópi þeirra iðnríkja sem hafa allra minnstu verðbólguna, segir greiningardeild Íslandsbanka og vitnar í samræmda vísitölu neysluverðs, sem Hagstofa Íslands birti í morgun.

Verðbólga á Íslandi síðustu tólf mánuði mældist 1,5% sambanborið við verðbólgu í helstu viðskiptalöndum Íslands. ?Verðbólga á Íslandi hefur aukist nokkuð síðustu mánuði en er engu að síður mjög lítil á þennan mælikvarða sem sýnir Íslandi í hópi þeirra iðnríkja sem hafa allra minnstu verðbólguna. Á Evrópska efnahagssvæðinu er minnsta verðbólgan 0,8% í Finnlandi og 0,9% í Svíþjóð en mesta verðbólgan er 7,7% í Lettlandi, segir greiningardeild Íslandsbanka.

Greiningardeildin bendir þó á að verðbólgan hér á landi var hins vegar 4,6% í október ef miðað er við hina hefðbundnu vísitölu neysluverðs sem er almennt viðmið á Íslandi, meðal annars við verðtryggingu og í verðbólgumarkmiði Seðlabanka.

?Verðbólgan hérlendis er því fremur mikil samkvæmt þeim kvarða. Mestu munar þar um að íbúðaverð er ekki meðtalið í samræmdu vísitölunni, en íbúðamarkaðurinn hefur verið helsti verðbólguvaldurinn í hagkerfinu á þessu ári," segir greiningardeildin.

Íslandsbanki segir stefnu Seðlabankans endurspeglast að einhverju leyti í þeirri litlu verðbólgu sem ríkir að íbúðaverði undanskildu. ?Mikil vaxtahækkun bankans hefur haldið aftur af innflutningsverðlagi í gegnum hátt gengi krónunnar og bankinn hefur þannig að öllum líkindum komið í veg fyrir frekari verðbólgu en komið hefur fram, þótt umdeilt sé hvort sá árangur sé of dýru verði keyptur," segir greiningardeildin.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim