*

fimmtudagur, 25. apríl 2019
Innlent 9. janúar 2014 16:07

Verð á kjúklingum mun lækka

Matfugl ætlar að lækka heildsöluverð á kjúklingum um 5%.

Ritstjórn

Matfugl ehf. hefur ákveðið 5% lækkun heildsöluverðs á heilum kjúklingum og kjúklingabringjum sem fyrirtækið framleiðir undir vörumerkjunum Ali, Móar og Ferskur kjúklingur. Verðlækkunin tekur gildi á mánudaginn.

Forráðamenn fyrirtækisins segja í yfirlýsingu að ástæðan sé annars vegar gengisstyrking íslenskrar krónu en hins vegar vilji þeir stuðla að því í verki að náð verði markmiðum nýgerðra kjarasamninga um efnahagslegan stöðugleika og aukinn kaupmátt.

„Í loftinu liggur lækkun fóðurverðs vegna styrkingar krónunnar undanfarnar vikur. Kjarasamningarnir fyrir jólin auka hins vegar vissulega launakostnað í fyrirtækinu en þegar á heildina er litið finnst okkur öllu máli skipta að styðja skynsamleg markmið samninganna um efnahagslegan stöðugleika og lága verðbólgu. Þess vegna ákváðum við að standa við að lækka verð á kjúklingaafurðum sem við seljum undir eigin vörumerkjum. Við viljum koma þessu á framfæri nú, ekki síst í ljósi frétta um verðhækkanir hér og þar á matvælamarkaði,“ segir Sveinn V. Jónsson, framkvæmdastjóri Matfugls ehf.

Stikkorð: Kjúklingur
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim