Guðmundur Franklín Jónsson hefur komið víða við í íslensku samfélagi og eru stjórnmálin nýjasta viðfangsefnið. Guðmundur Franklín lærði viðskiptafræði við Johnson & Wales háskólanum á Rhode Island í Bandaríkjunum.
Eftir að Guðmundur sneri heim úr námi opnaði hann staðinn Fisk og franskar sem var fyrsta eiginlegi fiskiskyndibitastaðinn á Íslandi. Hann staldraði þó ekki lengi við heldur réð sig starfa sem verðbréfamiðlari á Wall Street, aðeins 27 ára gamall. Sé nafni Guðmundar flett upp í fjölmiðlum frá þessum tíma má sjá að hann var vinsæll álitsgjafi fjölmiðla og hlaut töluverða umfjöllun sem „verðbréfamiðlarinn ungi á Wall Street“.
Guðmundur var á þessum tíma orðaður við ýmis verkefni, svo sem yfirtöku á fiskskyndibitakeðjunni Arthur Treacher´s og byggingu papprísverksmiðju á Reykjanesi. Þá var hann sagður mikilvægur þátttakandi í endurfjármögnun Íslenska útvarpsfélagsins með tilstuðlan Chase Manhattan bankans.
Nánar er fjallað um málið í Viðskiptablaðinu. Áskrifendur geta nálgast blaðið undir liðnum tölublöð hér að ofan.
