Ferðaþjónustufyrirtækið Norðursigling á Húsavík tapaði 85 milljónum króna á síðasta ári samanborið við 48 milljóna hagnað árið 2016. Tekjur félagsins námu tæplega 1,3 milljörðum króna og jukust um rúmlega 200 milljónir milli ára. EBITDA nam 49 milljónum króna og lækkaði um 69 milljónir milli ára.

Eignir félagsins námu rúmlega 1,5 milljörðum í lok árs á meðan skuldir námu 1.158 milljónum. Eiginfjárhlutfall var því 24,7% í lok ársins. Valdimar Halldórsson tók við sem framkvæmdastjóri Norðursiglingar síðasta sumar.