*

fimmtudagur, 25. apríl 2019
Innlent 16. janúar 2014 15:17

Verslanir Kaupáss fá Pinnið á minnið í ár

Nóatún og Krónan eru þegar búin að fá nokkra pin-posa í verslanir sínar. Innleiðing nýs greiðslukortakerfis er því hafin.

Ritstjórn
Haraldur Jónasson

Verslanir Kaupáss, það er Nóatún og Krónan, eru byrjuð að taka nokkra pin-posa til reynslu í verslunum sínum. Til stendur að innleiða verkefnið Pinnið á minnið á þessu ári, en það mun taka nokkra mánuði. Verslanir Haga, það er Bónus og Hagkaup hafa þegar tekið í notkun slíka posa. Hið sama má segja um 10/11. 

„Þetta er í innleiðingarferli hjá okkur. Það er búið að prófa þetta í nokkrum verslunum,“ segir segir Bjarni Friðrik Jóhannesson, rekstrarstjóri Nóatúns. „Það er ekki komin nein tímasetning á það hvenær þetta verður allt komið hjá okkur en þetta tekur allt einhvern tíma,“ segir Bjarni Friðrik. Þetta muni væntanlega taka einhverja mánuði. „Þetta er allt í gangi og innleiðingin er hafin,“ segir hann. 

Verkefnið Pinnið á minnið er verkefni um notkun greiðslukorta með örgjörva á Íslandi. Posinn snýr þá að korthafanum sem staðfestir greiðsluna með pinni í stað undirskriftar, segir á vef verkefnisins. Þetta á að auka öryggi fyrir korthafa og fyrirtæki sem taka við kortagreiðslum. Verkefnið er í umsjá Greiðsluveitunnar ehf, dótturfyrirtækis Seðlabanka Íslands.

Stikkorð: Nóatún
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim