*

föstudagur, 19. apríl 2019
Innlent 5. febrúar 2019 09:49

Verzlunarfjelag stofnað í Árneshreppi

Um 4 milljónir söfnuðust í hlutafé nýrrar verslunar í Árneshreppi. Engin verslun á svæðinu síðan sú fyrri lagðist af í haust.

Ritstjórn
Verslunarfélag Árneshrepps mun heita Verzlunarfjelag Árneshrepps, en það var stofnað í húsnæði verslunarinnar í Norðurfirði.
Aðsend mynd

Um 70 manns koma að stofnun nýs verslunarfélags í Árneshreppi, en á föstudaginn var haldinn stofnfundur félags um verslun í norðanverðri Strandasýslu á Vestfjörðum. Verslun lagðist af í hreppnum í haust og hafa íbúar hreppsins þurft að panta vörur og fá þær sendar með flugi, þar sem ekki er mokað að jafnaði í Árneshrepp frá áramótum til 20. mars.

Það er því afar áríðandi að koma á verslun fyrir þá íbúa sem hafa vetursetu í Árneshreppi segir í fréttatilkynningu frá félaginu og hefur fjöldi fólks lýsti yfir stuðningi við verkefnið og áhuga á því að eignast hlutafé í versluninni. Um 4.000.000 kr söfnuðust í hlutafé og eru hluthafar tæplega 70. Sett var 100.000 kr hámark á hlutafjárkaup til að tryggja dreifða eignaraðild.

Stofnfundurinn var haldinn í húsnæði verslunarinnar í Norðurfirði. Það var góð mæting og ríkti bjartsýni á fundinum segir jafnframt í tilkynningunni. Félagið fékk nafnið Verzlunarfjelag Árneshrepps og er stefnt að því að opna með takmarkaðan opnunartíma strax á vormánuðum og síðan með fullum opnunartíma í sumarbyrjun. 

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim