*

fimmtudagur, 25. apríl 2019
Innlent 26. október 2015 07:56

VG vill slíta stjórnmálasambandi við Ísrael

Landsfundur Vinstrihreyfingarinnar ályktar um viðskiptabann á Ísrael, hvalveiðar og olíuvinnslu.

Ritstjórn
Katrín Jakobsdóttir var endurkjörin formaður VG.
Haraldur Guðjónsson

Landsfundur Vinstrihreyfingarinnar – græns framboðs, var haldinn á Selfossi nú um helgina. Katrín Jak­obs­dótt­ir var sjálf­kjör­inn formaður hreyf­ing­ar­inn­ar og Björn Valur Gíslason hafði betur gegn Sóleyju Björk Stefánsdóttur í varaformannsslagnum.

Landsfundurinn ályktaði að setja ætti viðskiptabann á ísraelskar vörur og að ríkisstjórnin ætti að slíta stjórnmálasambandi við Ísrael. Fundurinn skoraði einnig á borgarfulltrúa Vinstri grænna að leggja að nýju fram tillögu um að Reykjavikurborg sniðgangi vörur frá Ísrael á meðan hernám Palestínu varir.

Landsfundur Vinstri grænna ályktaði einnig gegn hvalveiðum við Íslandsstrendur en í ályktuninni segir:

„Við veiðarnar er beitt ómannúðlegum veiðiaðferðum til að viðhalda áhugamáli örfárra útgerðarmanna. Háum upphæðum af opinberu fé hefur verið kastað á glæ til að styrkja þessa áhugamenn um hvalveiðar.“

Landsfundurinn lagðist gegn hugmyndum um oliuvinnslu á Drekasvæðinu og einnig var lagt til að stofnað verði opinbert leigu- og kaupleigufélag til að koma til móts við fólk á „klikkuðum húsnæðismarkaði sem hinn frjálsi markaður býður upp á.“

Allar ályktanir landsfundar Vinstrihreyfingarinnar – græns framboðs má sjá hér.

Stikkorð: grænir Vinstri
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim