*

föstudagur, 17. ágúst 2018
Innlent 19. apríl 2018 16:10

Vildu friðarskyldu yfir kosningar

Samninganefnd sveitarfélaga bauð grunnskólakennurum 124.000 króna eingreiðslu gegn friðarskyldu til 30. júní.

Ritstjórn
Halldór Halldórsson er formaður Sambands íslenskra sveitarfélaga.
Birgir Ísl. Gunnarsson

Samninganefnd sveitarfélaga bauð grunnskólakennurum að fá 124.000 króna eingreiðslu þann 1. maí gegn því að þeir myndu gangast undir friðarskyldu þar til 30. júní. Auk þess yrði mótuð ný viðræðuáætlun í kjaradeilunni sem myndi ná til 30. júní. 

Þetta kemur fram í fréttabréfi sem sent var á félagsmenn Kennarasambands Íslands en að því er kemur fram á heimasíðu ASÍ felur friðarskylda í sér að ekki má boða til verkfalls á meðan hún er í gildi. 

Samninganefnd Félags grunnskólakennara hafnaði tilboðinu að fengnu áliti frá nýkjörinni samninganefnd en þegar tilboðið barst stóð þing Kennarasambandsins yfir. 

Athygli vekur tímabil friðarskyldunnar hefði náð yfir aðdraganda og eftirmála sveitarstjórnarkosninga sem fram fara 26. maí. Friðarskyldan hefði því eflaust slegið vopn úr höndum kennara í kosningabaráttunni og á meðan samið yrði um meirihluta í sveitarstjórnum landsins.