*

fimmtudagur, 15. nóvember 2018
Erlent 6. október 2016 08:03

Vilja ýta undir milliríkjaviðskipti

AGS, Alþjóðabankinn og Alþjóðaviðskiptastofnunin taka höndum saman til að sannfæra fólk um ágæti milliríkjaviðskipta.

Ritstjórn
Aðrir ljósmyndarar

Þrjú stærstu efnahagssamtök heimsins, Alþjóðagjaldeyrissjóðurinn, Alþjóðabankinn og Alþjóðaviðskiptastofnunin vinna nú saman í tilraun til þess að auka trú almennings á ágæti milliríkjaviðskipta.

Alþjóðavæðing og frjáls viðskipti milli þjóða hafa átt undir högg að sækja upp á síðkastið. Í frétt á vef BBC er vandamálið rakið til þess að almenningur sér ekki haginn í alþjóðavæðingu heimsins vegna misskiptingar auðs.

Þessar þrjár fyrrnefndu alþjóðastofnanir vilja því reyna að sannfæra almenning um ágæti alþjóðaviðskipta sem ýta undir hagvöxt sem hefur þar af leiðandi jákvæð áhrif á lífsskilyrði almennings.

Frá þessu er greint í frétt breska ríkisútvarpsins BBC.

Stikkorð: AGS Milliríkjaviðskipti WTO hagvöxtur