*

laugardagur, 23. júní 2018
Erlent 28. maí 2018 09:37

Vill að Tyrkir kaupi lírur

Erdogan biður Tyrki að kaupa lírur til að styrkja gjaldmiðilinn en líran hefur veikst talsvert að undanförnu.

Ritstjórn
Recep Tayyp Erdogan, forseti Tyrklands
european pressphoto agency

Forseti Tyrklands, RecepTayyp Erdogan, bað á laugardaginn Tyrki um að skipta því sparifé sem þeir eiga í erlendum gjaldmiðli yfir í lírur en til þess að styrkja gjaldmiðilinn.

Erdogan kom fram á fundi í borginni Erzurum, þar sem hann bað stuðningsmenn sína um að kaupa lírur en þingkosningar fara fram í Tyrklandi þann 24. júní næstkomandi.

Líran lækkaði umtalsvert í síðustu viku en hún hefur veikst um 20% gagnvart bandaríkjadollara það sem af er þessu ári. 

Stikkorð: Tyrkland Erdogan líran