Grein Jóns Sigurðssonar, fyrrv. iðnaðarráðherra og formanns Framsóknarflokksins, vakti nokkra athygli í vikunni.
Í greininni birtir Jón sína eigin skilgreiningu á Framsóknarflokknum auk þess sem hann bætir við hugleiðingum um stöðu og horfur flokksins fyrir komandi vetur.
Í stuttu máli má segja að Jón vill að Framsóknarflokkurinn sé Evrópusambandssinnaður, félagssinnaður og frjálslyndur vinstriflokkur sem m.a. hefði betur samþykkt Icesave-samningana en verið á móti.
Til merkis um harðneskju og þröngsýni flokksforystunnar vísar Jón m.a. til þess að samfylkingarmaðurinn Guðmundur Steingrímsson hefði ekki fundið sig í flokknum.
Ætli stuðningsmenn Framsóknarflokksins til áratuga, þá helst af landsbyggðinni, séu sammála Jóni um þetta allt saman?