*

mánudagur, 20. maí 2019
Innlent 17. apríl 2019 08:44

VÍS selur 1,6% hlut í Kviku

Tryggingafélagið á nú um 6,5% hlut í bankanum. Andvirði hins selda hlutar er um 350 milljónir króna í dag.

Ritstjórn
Helgi Bjarnason er forstjóri VÍS.
Eva Björk Ægisdóttir

VÍS hefur selt um 1,6% af þeim rúmlega 8% hlut sem tryggingafélagið átti í Kviku banka. Markaðsvirði hinna seldu bréfa er tæpar 350 milljónir króna, en félagið á enn bréf í bankanum að andvirði rúmra 1,4 milljarða. Þetta kemur fram í nýjum hluthafalista bankans, sem Fréttablaðið greinir frá nú í morgun.

VÍS keypti í ársbyrjun 2017 tæpan 22% hlut í bankanum fyrir 1,66 milljarða króna, en síðasta sumar samþykkti svo hluthafafundur tillögu stjórnar um að lækka hlutafé með greiðslu til hluthafa í formi bréfa í Kviku að andvirði 1,8 milljarða, sem jafngilti þá rúmum 12% hlut, og átti félagið því tæpan 10% hlut í bankanum eftir útgreiðsluna.

Kvika banki var sem kunnugt er skráður á aðalmarkað Kauphallarinnar í lok mars, eftir að hafa verið skráður á First North markaðinn áður. Á mánudaginn gaf bankinn út jákvæða afkomuviðvörun og í kjölfarið hækkuðu bréf bankans um næstum 9%.

Stikkorð: VÍS Kvika
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim