*

föstudagur, 24. maí 2019
Innlent 20. júní 2018 18:26

VÍS sendir frá sér afkomuviðvörun

Stórt brunatjón í Perlunni veldur því að afkoma félagsins á 2. ársfjórðungi verður verri en áður var gert ráð fyrir.

Ritstjórn
Helgi Bjarnason, forstjóri VÍS.
Eva Björk Ægisdóttir

Í ljós hefur komið að afkoma Vátryggingafélags Íslands á öðrum ársfjórðungi verður að óbreyttu verri en afkomuspá hafði gert ráð fyrir. Þetta kemur fram í tilkynningu frá félaginu. Stærsta frávikinu veldur aukinn tjónaþungi á tímabilinu og stórt brunatjón í Perlunni. Áður hafði verið gert grein fyrir áhrifum brunans í Miðhrauni á áætlunina.

Reiknað er með að afkoma á öðrum ársfjórðungi verði alls um 700 milljónum króna lakari fyrir skatta en afkomuspá hafði gert ráð fyrir, það er að hagnaður félagsins verði 92 milljónir króna fyrir skatta í stað 792 milljóna króna.

Mikill vöxtur hefur verið í iðgjöldum hjá félaginu og er samsett hlutfall undanfarinna 12 mánaða í lok júní áætlað 98%. Vænt samsett hlutfall fyrir árið 2018 er einnig 98%, þar af nema áhrif tveggja stórtjóna á öðrum ársfjórðungi um þremur prósentustigum á samsett hlutfall ársins.

Afar óvenjulegt er að tvö stórtjón af þessari stærðargráðu verði á sama árinu, hvað þá á sama fjórðungnum. Bæði tjónin eru af umfangi sem ekki hefur sést hjá VÍS síðan í óveðrinu í mars 2015 og brunanum í Skeifunni sumarið 2014. 

Uppfærð 12 mánaða afkomuspá verður birt með uppgjöri annars ársfjórðungs þann 22. ágúst næstkomandi.

Stikkorð: VÍS
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim