*

laugardagur, 17. nóvember 2018
Innlent 24. maí 2018 08:29

Völdu 15 fyrirtæki til fyrirmyndar

Könnun VR meðal þúsunda starfsmanna á almennum vinnumarkaði sýnir viðhorf starfsmanna til sinna vinnustaða.

Ritstjórn
VR, áður Verzlunarmannafélag Reykjavíkur, sem nú heitir hinu þjála nafni Virðing Réttlæti er fjölmennasta verkalýðsfélag landsins.
Haraldur Guðjónsson

Fyrirtæki ársins 2018 hafa verið valin samkvæmt niðurstöðum könnunar sem VR stendur fyrir meðal þúsunda starfsmanna á almennum vinnumarkaði.

Markmið könnunarinnar er að leita upplýsinga um viðhorf starfsmanna til síns vinnustaðar en könnunin er einnig vettvangur starfsmannanna til að segja stjórnendum hvað er vel gert og hvað mætti betur fara. Fyrirtæki ársins eru fimmtán talsins, fimm í hverjum stærðarflokki. Niðurstöðurnar voru kynntar á viðburði á Hilton Reykjavík Nordica þann 23. maí.

Fyrirtæki ársins 2018 í hópi stórra fyrirtækja, þar sem starfsmenn eru 50 eða fleiri, eru:

  • dk hugbúnaður
  • Johan Rönning
  • Nordic Visitor
  • Pipar/TBWA
  • Sjóvá.

Fyrirtæki ársins 2018 í hópi millistórra fyrirtækja, þar sem starfsmenn eru 29 til 49 talsins, eru:

  • Áltak
  • Cyren
  • Expectus
  • Fulltingi
  • Margt smátt.

Fyrirtæki ársins 2018 í hópi lítilla fyrirtækja, þar sem starfsmenn eru færri en 20, eru:

  • Attentus – mannauður og ráðgjöf
  • Beiersdorf
  • Eirvík
  • Microsoft Ísland
  • Rafport.

Fimmtán fyrirtæki í hverjum stærðarflokki fá titilinn Fyrirmyndarfyrirtæki 2018 en lista yfir þau fyrirtæki má finna á vef VR.

Um framkvæmdina

Árleg könnun VR á Fyrirtæki ársins er send til félagsmanna og fjölda annarra starfsmanna á almennum vinnumarkaði en nær 140 fyrirtæki tryggðu öllum starfsmönnum sínum þátttöku í könnuninni í ár, óháð stéttarfélagsaðild.

Af þeim komust 130 á lista yfir fyrirtæki ársins en ekki náðist lágmarksþátttaka hjá hinum fyrirtækjunum. Einungis fyrirtæki sem bjóða öllum starfsmönnum sínum að taka þátt í könnuninni koma til greina í valinu á Fyrirmyndarfyrirtæki eða Fyrirtæki ársins.

Stikkorð: fyrirtæki VR könnun starfsmenn