Verslunin Rangá Skipasundi 56 Reykjavíkur hefur hafið sölu á ýmsum vörum frá hinu sögufræga Gamla Bakaríi á Ísafirði. Þar verður til að mynda hægt að kaupa kringlur, snúða, rúgbrauð, gamaldags kleinuhringi, kökur og fleira.
Vörurnar koma til borgarinnar á þriðjudögum og föstudögum og mögulegt er að panta þær í versluninni eða í gegnum síma.
Gamla Bakaríið er eitt sögufrægasta bakarí Íslands og hefur verið rekið í yfir 100 ár.
Á Facebook síðu Gamla Bakarísins segir: „Verslunin Rangá Skipasundi 56 Reykjavík hefur hafið sölu á ýmsum vörum frá Gamlabakaríinu td.kringlum, snúðum, rúgbrauði,gamaldags kleinuhringjum, kökum og fl. Vörurnar koma á þriðjudögum og föstudögum. Opnunartími er alla daga 10-22. Möguleiki er að panta í versluninni eða í síma 5533402.“
