Í verslun Waitrose í Bretlandi er framboð af íslenskum þorski og ýsu orðið afar lítið vegna verkfalls sjómanna. Það er þó ekki sú skýring sem verslanakeðjan gefur viðskiptavinum sínum, eins og sjá má á meðfylgjandi mynd. Þar segir að aftakaveður við Íslandsstrendur hafi tímabundið haft áhrif á framboð á fisktegundunum tveimur.

Vonast verslanakeðjan til að veðrinu sloti hið fyrsta og að fiskurinn verði aftur á boðstólum fljótlega.