*

miðvikudagur, 24. apríl 2019
Innlent 2. október 2017 10:46

Wizz Air komin í þriðja sætið

Ungverska lággjaldaflugfélagið Wizz Air er komið uppfyrir easyJet í fjölda áætlunarferða frá Keflavíkurflugvelli.

Ritstjórn
Ungverska flugfélagið Wizz Air er nú með fleiri ferðir frá Íslandi heldur en easyJet
Aðsend mynd

Í september voru að jafnaði farnar 90 áætlunarferðir á dag frá Leifsstöð, sem er aukning um 17 ferðir á dag frá því á sama tíma í fyrra að því er Túristi greinir frá. Hefur hlutdeild Icelandair dregist saman, eða úr 58,4% niður fyrir helming, eða 49,6% á sama tíma og Wow Air hefur aukið sína hlutdeild úr 22,1% í 28,6%.

Wow Air er þó ekki eina félagið sem hefur aukið sína hlutdeild umtalsvert, en Wiss Air, lággjaldaflugfélag frá Ungverjalandi, hefur á sama tíma aukið sína hlutdeild um 145%, eða úr 1,1% í 2,7%. Hlutfall easyJet sem var áður þriðja stærsta flugfélagið á Keflavíkurflugvelli hefur á sama tíma lækkað úr 3,5% niður í 2,6%

Ef horft er alla leið til ársins 2013, þá var hlutfall easyJet þá svipað og var í fyrra, eða 3,4%, en hins vegar var Icelandair þá með um þrjáfjórðu af markaðnum, eða 73,4% en Wow Air einungis með 14,3%.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim