Wow air hefur skipt um auglýsingastofu en undir lok síðustu viku skrifuðu forráðamenn fyrirtækisins undir samning við Hvíta húsið. Wow air hefur frá upphafi verið með samning við Brandenburg, sem m.a. mótaði vörumerki ferðaþjónustufyrirtækisins og gerði fyrstu sjónvarpsauglýsingu þess. Hvíta húsið landaði felstum lúðrum eða fimm talsins á verðlaunahátíð Ímark, Samtökum markaðsfólks á Íslandi, í síðasta mánuði.
Svanhvít Friðriksdóttir, upplýsingafulltrúi Wow air, segir þetta tíðkast í bransanum, engin óánægja hafi verið með samvinnuna við Brandenburg. „Þetta er eins og gengur og gerist,“ segir hún.
Hvíta húsið er jafnframt með auglýsingasamning við upplýsingatæknifyrirtækið Advania. Skúli Mogensen, forstjóri Wow air og aðaleigandi fyrirtækisins, á hlut í Advania. Svanhvít segir eignarhaldið engu skipta, Brandenburg geri enn auglýsingar fyrir önnur fyrirtæki sem Skúli eigi hlut í.
