*

mánudagur, 20. maí 2019
Erlent 27. febrúar 2019 07:30

Yellen segir Trump ekki skilja hagstjórn

Janet Yellen, fyrrum seðlabankastjóri BNA, segir Donald Trump hvorki skilja hagstjórn né hlutverk Seðlabankans.

Ritstjórn
Janet Yellen var fyrsta konan til að gegna stöðu seðlabankastjóra Bandaríkjanna, sem hún gerði frá 2014 til 2018, en Donald Trump braut fjögurra áratuga hefð með því að endurskipa hana ekki í embætti undir lok árs 2017.
epa

Fyrrverandi seðlabankastjóri Bandaríkjanna, Janet Yellen, segir Donald Trump Bandaríkjaforseta hvorki skilja hagstjórn né tilgang seðlabankans, og áherslu hans á viðskiptajöfnuð við Kína misráðna. BBC segir frá.

Yellen lét ummælin falla í viðtali í útvarpsþættinum Marketplace fyrr í vikunni, en þar sagði hún einnig að árásir Trump á Jerome Powell, sitjandi seðlabankastjóra – sem Trump skipaði sjálfur í embætti – væru til þess fallnar að grafa undan trausti almennings á bankanum.

Í viðtalinu var Yellen spurð hvort hún teldi forsetann skilja undirstöðuatriði hagstjórnar. Hún svaraði því neitandi, og bætti við að hann virtist ekki skilja tvíþætt hlutverk seðlabankans: að halda verðbólgu og atvinnuleysi í skefjum. „Ég efast um að hann viti einu sinni að markmið seðlabankans eru sem hæst atvinnustig og verðstöðugleiki, en það eru þau markmið sem þingið hefur gefið honum,“ er haft eftir Yellen.

Jerome Powell hafði ekkert um ummæli Yellen að segja þegar hann var spurður út í þau fyrir þingnefnd.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim