Íslandspóstur hagnaðist umtalsvert á dreifingu bréfa sem ríkisfyrirtækið hefur einkarétt á að dreifa árin 2016 og 2017 að því er Fréttablaðið segir frá, eða um 868 milljónir króna. Á sama tíma tapaði félagið tæplega 1,5 milljarði króna á samkeppnisrekstri innan starfseminnar, þar af 1,1 milljarði af sendingum frá Kína.
Eins og Viðskiptablaðið hefur fjallað um fær fyrirtækið ekki greiddan fullan kostnað af sendingunum vegna alþjóðlegra samninga sem skilgreina Kína sem þróunarland sem þróunarríkin eiga að niðurgreiða póstsendingar frá. Afkoma Íslandspósts var þó jákvæð árið 2015 um 13 milljónir, svo ljóst er að töluverð breytingin varð árin eftir.
Tapið á ákveðnum samkeppnisrekstrarliðum póstsins hefur verið viðvarandni síðustu ár, en í opinberum gögnum um fyrirtækið hefur verið útmáð hve mikið tapið er. Svaraði Íslandspóstur ekki fyrirspurn um tapið síðustu fimm ára, og þarf félagið ekki samþykki Pósts- og fjarskiptastofnunnar til þess.
Blaðið gerir hins vegar ráð fyrir því að sundurliðun á afkomu hvers liðar frá árinu 2014 sem kom fram eftir fyrirspurn Willums Þór Þórssonar standi enn. Þannig megi gera ráð fyrir að hagnaðurinn af einkaréttinum hafi aukist á um annað hundrað milljónir að minnsta kosti meðan tapið af samkeppni innan alþjónustunnar hafi dregist saman um að minnsta kosti 400 milljónir.
Jafnframt er það sagt liggja fyrir að Íslandspóstur hafi nýtt fjármuni úr einkaréttarrekstrinum til að mæta tapi á samkeppnisrekstrinum. Lögum samkvæmt er óheimilt að niðurgreiða tap af samkeppnisrekstri innan alþjónustunnar með einkaréttartekjum.
Hér má lesa fleiri fréttir um málefni Íslandspósts:
- 26. nóvember 2018 - „Fara í samkeppni við allt sem hreyfist“
- 22. september 2018 - Ekki gefið að ríkið láni Póstinum
- 8. september 2018 - Titringur á póstmarkaði
- 16. október 2018 - FA kvartar vegna brota póstsins
- 24. febrúar 2018 - Hagnaður póstsins nærri 80% hærri
- 24. janúar 2018 - Pósturinn skili hagræðinu til notenda
- 11. nóvember 2017 - Pósturinn segist ekki misnota stöðu sína
- 12. mars 2018 - Íslandspóstur hafnar ásökunum FA
- 21. febrúar 2017 - FA: Tortryggnin áfram til staðar
- 17. febrúar 2017 - Íslandspóstur hlítir ítarlegum skilyrðum
- 17. febrúar 2017 - Íslandspóstur aðgreini starfsemi
- 18. september 2016 - Nær vaxtalaust 310 milljóna lán
- 29. febrúar 2016 - Íslandspóstur tapaði 118 milljónum
Hér má lesa pistla um málefni Íslandspósts:
- 3. desember 2018 - Keppt við allt sem hreyfist
- 7. október 2016 - Íslandspóstur býr tortryggnina til sjálfur