*

sunnudagur, 22. október 2017
Huginn og muninn
19. september 2017 12:10

Eignaupptaka Loga beinist að öldruðum

Formaður Samfylkingarinnar vill gefa öldruðum tækifæri til að vinna meira til að eiga fyrir auðlegðarskattinum enda leggst hann harðast á þá.

Haraldur Guðjónsson

Logi Már Einarsson, formaður Samfylkingarinnar, vill að auðlegðarskattur verði tekinn upp á ný hér á landi. Haft var eftir honum í Morgunblaðinu að hann vilji jafnframt að öldruðum verði veitt frekari tækifæri til þess að vinna og öðlast lífsfyllingu.

Síðast þegar auðlegðarskattur var lagður á, gjaldárin 2010 til 2014, bitnaði hann einna harðast á tekjulágum eldri borgurum sem bjuggu, eftir langa starfsævi í skuldlitlu húsnæði.

Því er ekki að undra að Logi fari fram á að möguleikar þessa hóps til að eyða ævikvöldinu í að afla sér tekna á vinnumarkaði verði auknir, enda þurfa þeir að geta átt fyrir aukinni skattbyrði í formi auðlegðarskatts.

Fréttabréf
Vikulegt fréttabréf Viðskiptablaðsins þar sem greint er frá því helsta sem gerst hefur í íslensku og erlendu viðskiptalífi.